Qashaǵan ken orny tolyq ıgerilýge tıis - QR Prezıdenti
«Atyraý oblysy – elimizdegi eń úlken ındýstrııalyq óńirdiń biri. Aımaqtyń munaı-gaz ónerkásibi shetelden ınvestıtsııa tartý salasynda kósh bastap keledi. Sondaı-aq, Qazaqstannyń álemdegi ınvestıtsııalyq ımıdjin arttyrýǵa septigin tıgizýde. Oblys respýblıkalyq bıýdjetke jáne Ulttyq qorǵa qomaqty qarjy quıyp otyr. Úkimet óńir ákimdigimen birlesip, iri munaı-gaz jobalaryn ýaqtyly júzege asyrýdy baqylaýǵa alýǵa tıis. Bolashaqta keńeıý jobasyn ýaqtyly aıaqtaý mańyzdy. Sondaı-aq, Qashaǵan ken orny tolyq ıgerilýge tıis», - dedi Memleket basshysy.
QR Prezıdentiniń atap ótýinshe, sol arqyly bir jylda óndiriletin munaı kólemin 15 mıllıon tonnaǵa arttyrýǵa bolady. Nátıjesinde jumys oryndary ashylyp, otandyq qyzmet kórsetý kompanııalary men shaǵyn jáne orta bıznes ókilderi úshin mol múmkindikter týady.
«Aqpanda kontsessıoner kompanııalardyń basshylarmen kezdesý barysynda 2021 jyldyń sońyna deıin Qashanǵandy tolyq ıgerý josparyn bekitý tapsyrdym. Úkimetke bul máseleni baqylaýdy ustaýdy jáne merziminiń sozylyp ketýine jol bermeýdi ótinemin», - dedi Qasym-Jomart Toqaev.