Qashaǵan ken orny munaı óndirisin ýaqytsha toqtatady
«Osy aıda Qashaǵan ken ornynda munaı óndirý jumystary ýaqytsha toqtatylady. NCOC kompanııasy jer ústindegi «Bolashaq» zaýytynda jáne jasandy D aralynda jabdyqtardyń kúrdeli jóndeýine kirisedi. Daıyndyq sharalary júrgizilýde. Jóndeý jumystarynyń josparly uzaqtyǵy - 45 kún. Oǵan NCOC-tyń jáne seriktes-merdigerlerdiń 5 myńǵa jýyq qyzmetkeri jumyldyrylatyn bolady», - dep málim etti kompanııanyń baspasóz qyzmetinen.
Eske salaıyq, Qazaqstandaǵy eń iri ken oryn - Qashaǵanda 2018 jyldyń nátıjesi boıynsha munaı óndirisi 1,6 ese ulǵaıdy.
QR Energetıka mınıstrliginiń aqparatyna sáıkes, óndiris kólemi josparlanǵan 11 mln tonnadan 13,22 mln tonnaǵa artty. 2017 jyly munaı óndirisi 8,3 mln tonnany quraǵan bolatyn. Qashaǵan álemdegi eń iri munaı kenishteriniń biri bolyp tanylǵan. Onyń jalpy munaı qory 38 mlrd barreldi quraıdy. Tabıǵı gaz qory - 1 trln tekshe metrden astam.
Avtory A.Sokolov