«Qashaǵan» ken ornyndaǵy jóndeý jumysy 7 qazanda bastalady

<p>ATYRAÝ. KAZINFORM &ndash; Kaspıı teńiziniń soltústik bóliginde ornalasqan &laquo;Qashaǵan&raquo; ken ornynda jóndeý jumysyn júrgizý josparlanyp otyr. Jóndeý jumysy 7 qazanda bastalyp, 30 kúnge sozylady.</p>

«Qashaǵan» ken ornynda jóndeý jumysy bastalatyny bir aıdan beri aıtylyp keledi. Qyrkúıektiń basynda Energetıka mınıstrligi Qashaǵan munaı kenishi aktsıonerlerinen jóndeý jumystaryn keıinge qaldyrýdy surady degen aqparattyń shyndyqqa janaspaıtynyn habarlady. 

«Jóndeý jumysyn keıinge qaldyrý ishki talqylaý kezinde qarastyrylǵan nusqalardyń biri ǵana boldy. Biraq ol qabyldanbady. Mınıstrlik Qashaǵan ken ornyndaǵy jóndeý jumystary 3 qazannan bastap kestege sáıkes júrgiziletinin rastaıdy. Bul mınıstrliktiń analıtıkalyq agenttiktermen telefon arqyly sóılesýinde, sondaı-aq ótken aptada OPEK Bas hatshysynyń Astanaǵa sapary kezinde aıtylǵan. Qazaqstan OPEK+ sharalaryna tolyǵymen beıildi bolyp qala beredi. OPEK hatshylyǵyna usynylǵan óndiristi erikti túrde qysqartý jáne ótemaqy josparyn tolyǵymen oryndaý úshin barlyq sharalar qabyldanady», - dep habarlaǵan edi mınıstrliktiń baspasóz qyzmeti.

«Qashaǵan» – Kaspıı teńiziniń qazaqstandyq sektoryndaǵy iri munaı jáne gaz ken orny. Ol Atyraý qalasynan ońtústik-batysqa qaraı 80 shaqyrym jerde ornalasqan. Qashaǵan 75h45 shaqyrym aýmaqty alyp jatyr. Ken ornynyń kollektory Kaspııdiń soltústik bóliginde teńiz túbinen 4200 metrdeı tereńdikte jatyr.

Eske sala ketelik, buǵan deıin mınıstrlik Qashaǵanda jóndeý jumysyn keıinge qaldyrý jóninde naqty sheshim qabyldanbaǵanyn málimdegen bolatyn.

Qazaqstan OPEK+ aldyndaǵy mindettemesin oryndady.

Sondaı-aq, Kaspıı teńizindegi D araly mańynda tornado bolǵany týraly aqparat taraǵanyn jazǵan edik.