Qashaǵan 2025 jyldan bastap suıytylǵan gazdy el naryǵyna shyǵaratyn boldy

<p>ASTANA. KAZINFORM — Energetıka mınıstrligi Qashaǵan suıytylǵan munaı gazyn Qazaqstan naryǵyna jetkizý boıynsha aldyn ala kelisimge keldi. </p>

Búgin Úkimettiń ishki naryqty suıytylǵan munaı gazymen qamtamasyz etý jónindegi tapsyrmasyn oryndaý sheńberinde Energetıka mınıstrligi Qashaǵan ken ornynyń aktsıonerlerimen birlesip suıytylǵan munaı gazyn ishki naryqqa jetkizý týraly aldyn ala kelisimge qol jetkizdi.

Oǵan sáıkes, QazaqGaz ulttyq kompanııasy Qashaǵan ken ornynyń aktsıonerlerimen «Bolashaq» biriktirilgen munaı jáne gazdy keshendi qaıta óńdeý qondyrǵysynda óndirilgen suıytylǵan munaı gazynyń bolashaq áleýetti jetkizilimderi týraly kelissózder júrgizýge usynylyp otyr.

Búgingi tańda taraptar 2024 jyly suıytylǵan munaı gazy salasyndaǵy ınfraqurylymdyq joba boıynsha túpkilikti ınvestıtsııalyq sheshim qabyldaý baǵytynda yntymaqtastyq júrgizip jatyr. 

Qazaqstandyq naryqqa suıytylǵan munaı gazyn jetkizý 2025 jyldyń sońyna qaraı bastalady dep josparlanǵan. 

2027 jylǵa qaraı Qashaǵan ken oryndaryndaǵy ınfraqurylymdyq jumystar aıaqtalǵannan keıin SMG óndirisiniń kólemi jylyna 700 myń tonnaǵa jetedi.