KASE: Teńge nyǵaıyp keledi

ASTANA. QazAqparat - Sársenbi kúngi tańerteńgilik sessııa boıynsha AQSh dollaryna shaqqandaǵy teńgeniń ortasha baǵamy Qazaqstan qor bırjasynda (KASE) 1 dollarǵa 322,45 teńgeni qurady, dep habarlaıdy QazAqparat KASE-ge silteme jasap.

Seısenbi kúngi saýdamen salystyrǵanda dollar baǵamy 2,28 teńgege tómendegen. Sessııa barysynda eń tómengi kýrs 1 dollarǵa 322,09 teńge, al eń joǵarysy 323,6 teńge deńgeıinde bolǵan. Saýda kólemi 86,35 mln dollarǵa jetti.

Aıta keteıik, bir kún buryn dollardyń ortasha baǵamy tańǵy sessııa qorytyndylary boıynsha 1 dollarǵa 324,73 teńge, kúndizgi sessııada - 323,47 teńge, eki sessııanyń qorytyndylary boıynsha 324,21 teńge bolǵan. Saýdanyń jalpy kólemi 326,65 mln dollardy quraǵan.