KASE: Teńge baǵamy nyǵaıa tústi

ASTANA. QazAqparat - Qazaqstan qor bırjasyndaǵy (KASE) sársenbi kúngi saýda-sattyqtyń tańǵy sessııasynda teńgeniń AQSh dollaryna qatysty ortasha baǵamy 327,4 teńgeni qurady, dep habarlaıdy «QazAqparat» HAA KASE-ge silteme jasap.

Seısenbi kúngi saýda-sattyq málimetterine qaraǵanda,  dollar baǵamy 0,65 teńgege quldyraǵan. Sessııa barysynda eń tómengi baǵam 1 dollarǵa 327,13 teńge deńgeıinde bolsa, eń joǵary kýrs 328,1 teńgeni kórsetken. Saýda kólemi 105,15  mln dollardy quraǵan.

Seısenbi kúni dollardyń kýrsy tańǵy sessııa qorytyndylary boıynsha 1 dollarǵa 328,05  teńge, kúndizgi sessııada 327,54 teńge, eki sessııanyń qorytyndylary boıynsha 327,89 teńge bolǵan. Saýda kólemi 311,8 mln dollardy quraǵan.