KASE tańerteńgilik sessııa: 1 AQSh dollary - 343,11 teńge

ASTANA. QazAqparat - Qazaqstan qor bırjasynda (KASE) eseptesýi T+0 teńgemen (USDKZT_TOD) AQSh dollary boıynsha, eseptesýi T+0 teńgemen (EURKZT_TOD) eýro boıynsha jáne eseptesýi T+0 AQSh dollarymen (EURUSD_TOD) eýro boıynsha, eseptesýi T+0 teńgemen (CNYKZT_TOD) qytaı ıýani boıynsha tańǵy saýda-sattyq sessııasy aıaqtaldy. Bul týraly Qor bırjasynyń baspasóz qyzmetinen habarlady.

Atalǵan qarjy quraldary úshin osy sessııa negizgi bolyp tabylady. Saýda-sattyqqa KASE valıýta naryǵynyń 19 múshesi qatysty.

Eseptesýi T+0 teńgemen AQSh dollarynyń ortasha saralanǵan baǵamy bir dollarǵa 343,11 (+3,10 teńge) teńgeni,al saýda-sattyq kólemi - 91 600 (-50 950 myń USD) myń AQSh dollaryn qurady.

Eseptesýi T+0 teńgemen jáne AQSh dollarymen eýro boıynsha mámileler jasalǵan joq. Sessııa jabylar sátte baǵa belgileýler tirkelgen joq.

Eseptesýi T+0 teńgemen qytaı ıýani boıynsha mámileler jasalǵan joq. Sessııa jabylý sátine suranym bir ıýanǵa 51,7000 teńgeni qurady, usynym - bir ıýanǵa 51,7300 teńgeni qurady.

Osy habarlamada atalǵan trendterdiń barlyǵy aldyńǵy tańerteńgilik sessııamen salystyrmaly túrde berilgen. Eger aldyńǵy tańerteńgilik sessııada tıisti qarjy quraly boıynsha mámileler jasalmasa nemese olardyń saýda-sattyǵy ótkizilmese, trend kórsetilmeıdi.