KASE: Dollar baǵamy álsiredi

ASTANA. QazAqparat - Qazaqstan qor bırjasynda (KASE) beısenbi kúngi saýda-sattyqtyń tańerteńgilik sessııasynda teńgeniń 1 AQSh dollaryna shaqqandaǵy ortasha baǵamy 325,5 teńgeni qurady, dep habarlaıdy QazAqparat KASE-ge silteme jasap.

Sársenbi kúngi saýda-sattyqpen salystyrǵanda sheteldik valıýta baǵamy 0,36 teńgege tómendegen. Sessııa barysynda eń tómengi kýrs 1 dollarǵa 325,2   teńge, al eń joǵarǵysy 325,9 teńge deńgeıinde bolǵan. Saýda kólemi 68,25 mln dollarǵa jetti.

Sársenbi kúni dollardyń ortasha baǵamy tańǵy sessııa qorytyndylary boıynsha 1 dollarǵa 325,86 teńge, kúndizgi sessııada 326,2 teńge, eki sessııanyń qorytyndylary boıynsha 326 teńge bolǵan. Saýdanyń jalpy kólemi 310,35 mln dollardy qurady.

Esterińizge sala keteıik, seısenbi kúngi KASE saýda-sattyqtyń tańerteńgilik sessııasynda AQSh dollary 1,56 teńgege, ıaǵnı  328,76 teńgeden 327,2 teńgege tómendegen bolatyn.