KASE-de dollar ekinshi kún qatarynan arzandap jatyr

ALMATY. QazAqparat – Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege qatysty baǵamy arzandady, dep habarlaıdy QazAqparat tilshisi.

Kúndizgi saýda-sattyq málimetine qaraǵanda, dollar baǵamy 0,97 teńgege tómendep, 458,69 teńge boldy.

Aıta keteıik, Ulttyq banktiń 3 aqpandaǵy resmı baǵamy – 1 dollar úshin 459, 92 teńgeni quraıdy. Reseı valıýtasy - 6,57 teńge.

Kurs.kz málimetinshe, Almatydaǵy aqsha aıyrbastaý pýnkterinde dollardyń satý baǵamy – 459 teńge, satyp alý – 462,5 teńge.

Al Astana qalasy boıynsha satý baǵamy – 458,5 teńgeden bolsa, satyp alý – 461,5 teńge.

Reseı rýbli 6,38 – 6,43 teńge aralyǵynda saýdalanyp jatyr.

Aıta keteıik, Qor naryǵynda dollar ekinshi kún qatarynan arzandap jatyr.