KASE basqarmasynyń tóraǵasy bolyp Alına Aldambergen saılandy

ASTANA. QazAqparat - KASE Qazaqstan qor bırjasy Dırektorlar keńesiniń sheshimimen 2016 jylǵy 08 aqpannan bastap úsh jyl ókilettik merzimimen KASE basqarmasynyń tóraǵasy bolyp Alına Aldambergen Ótemisqyzy saılandy.

Budan buryn A.Ó. Aldambergen  «Báıterek» Ulttyq basqarýshy holdıngi» AQ basqarmasy tóraǵasynyń orynbasary,   "Samuryq-Qazyna Fınans" JShS bas dırektory,   QR qarjylyq naryq jáne qarjy uıymdaryn retteý jáne qadaǵalaý agenttigi tóraǵasynyń orynbasary, QR Almaty qalasy óńirlik qarjy ortalyǵynyń qyzmetin retteý agenttigi tóraǵasynyń orynbasary bolǵan, "DAB "ABN AMRO Bank Kazahstan" AQ-da jáne basqa da ekinshi deńgeıli bankterde basshylyq oryndarda jumys atqarǵan. Ár jyldary  A.Ó. Aldambergen KASE Dırektorlar keńesiniń quramynda bolǵan  jáne táýelsiz dırektor qyzmetin de atqarǵan. 

A.Ó. Aldambergen 1995 jyly Qazaq Memlekettik Basqarý akademııasyn úzdik bitirgen, 2007 jyly Rocherster ýnıversıtetiniń E. Saımon Ýılıam atyndaǵy Іskerlik Ákimshilendirý mektebin aıaqtaǵan.   

Qazirgi ýaqytta  KASE Basqarmasy bes adamnan turady: A. Ó. Aldambergen   (tóraǵa), Sábıtov I.M. (tóraǵa orynbasary), Tsalıýk A.ıÝ. (tóraǵa orynbasary), Horoshevskaıa N.ıÝ. (tóraǵa orynbasary), Turǵulova A.S. (damý jónindegi dırektor.