KASE AIX-pen birigý týraly kelissóz júrgizip jatqan joq

<p>ALMATY. KAZINFORM &ndash; Qazaqstannyń qos qor bırjasy &ndash; Qazaqstan qor bırjasy (KASE) men Astana halyqaralyq bırjasynyń (AIX) qurylymy men qyzmeti ózgerissiz qalady. Birigý týraly kelissózder júrgizip jatqan joq. Bul týraly Alına Aldambergen málimdedi.</p>

– Bizge birigý, biriktirý nemese ońtaılandyrý týraly únemi habarlasady. Qazirgi ýaqytta Qazaqstan qor bırjasy (KASE) AIX-pen eshqandaı kelissózder júrgizip jatqan joq dep aıta alamyn, - dep jaýap berdi Alına Aldambergen baspasóz máslıhatynda.

Qos bırjany biriktirý ıdeıasy 2023 jylǵy qyrkúıekte Prezıdent Qasym-Jomart Toqaevtyń joldaýynda kóterilgen bolatyn. Prezıdent eki bırjanyń qyzmeti bir-birin qaıtalaıtynyn jáne ózara básekelesetinin atap ótip, olardy biriktirýdi usyndy. Ol salystyrmaly túrde shaǵyn qor naryǵynda eki saýda alańy jumys isteýi artyq ekenin atap ótken.

Byltyr Ulttyq bank tóraǵasy Tımýr Súleımenov KASE-niń reseılik aktsıoneri sanktsııaǵa tap bolǵany úshin elimizde biryńǵaı bırjalyq holdıng qurý isi turalap qalǵanyn aıtty.

Qarjy sarapshysy Rasýl Rysmambetov KASE Máskeý bırjasyna tıesili 13% aktsııany qaıtadan ózine satyp alý kerek ekenin aıtqan bolatyn.

2024 jyldyń qazan aıynda «Máskeý bırjasy» JAQ (MOEX) «Qazaqstan qor bırjasy» AQ (KASE) aktsıonerleriniń quramynan shyqty.