Qarjyny qaıda salǵan tıimdi: Qaırat Kelimbetov turǵyndarǵa keńes berdi

NUR-SULTAN. QazAqparat – «Astana» halyqaralyq qarjy ortalyǵynyń basqarýshysy Qaırat Kelimbetov qazaqstandyqtar qarjylaryn qaıda ınvestıtsııalaı alatynyn aıtty, dep habarlaıdy QazAqparat tilshisi.

Parlament Májilisinde tilshiler AHQO basqarýshysynan qazaqstandyqtar qaı baǵytta ınvestıtsııalaý kerektigin jáne ózderiniń jınaqtaryn qaıda saqtaýy qajettigin surady.

«Astana» halyqaralyq qarjy ortalyǵynda qyzmet etip júrgenime oraı, AHQO bırjasynda baǵaly qaǵazdarǵa ınvestıtsııalaýǵa keńes beremin. Bul turǵyda «QazMunaıGaz» ІRO-syna daıyndalyp, bizdiń bırjadaǵy jańalyqtarǵa nazar aýdarǵan jón», - dedi Q. Kelimbetov Parlament Májilisinde tilshiler saýalyna jaýap bere otyryp.

Budan buryn habarlanǵandaı, Májilistiń jalpy otyrysynda «Astana» halyqaralyq qarjy ortalyǵy týraly» QR Konstıtýtsııalyq zańyna ózgerister men tolyqtyrýlar engizý týraly» QR Konstıtýtsııalyq zań jobasy maquldandy.