Qarjylyq monıtorıng agenttigi qyzmetkerlerin irikteýden ótkizedi

NUR-SULTAN.QazAqapart – QR Qarjylyq monıtorıng agenttiginiń resmı saıtynda vedomstvo quramynda jumys isteýge úmitkerlerdi irikteý júretini týraly aqparat jarııalandy, dep habarlaıdy QazAqparat tilshisi.

Agenttik úmitkerlerge mynadaı talaptar qoıyp otyr:

«Quqyqtaný», «Ekonomıka jáne aýdıt», «Aqparattyq qaýipsizdik», «Aqparattyq tehnologııalar», «Matematıka» jáne STEM-niń basqa baǵyttary boıynsha joǵary bilimi týraly dıplom;

Joǵary deńgeıli ıntellekt (IQ);

Jasy 35-ke deıin;

Buryn quqyq qorǵaý jáne arnaıy organdarda qyzmetten ótpegender, sondaı-aq eldiń Qarýly Kúshterinde kelisimshart boıynsha qyzmet etpegender;

Bedeliniń minsizdigi.

* Úzdik dıplom, olımpıadalardyń, ulttyq jáne halyqaralyq konkýrstardyń jeńimpazdary irikteý kezinde basymdylyqqa ıe;

Іrikteý 3 kezeńde ótedi:

1-kezeń – onlaın-anketa toltyrý jáne barlyq qajetti qujattardy jınaqtaý;

2-kezeń – qabilettilikteri men daǵdylaryn baǵalaý (IQ deńgeıin tekserý, esse jazý, ýájdemeli (motıvatsııalyq) sóz sóıleýdi daıyndaý);

3-kezeń – Ortalyq apparatta onlaı-suhbattasýdan ótý.

«Barlyq kezeńderden sátti ótken azamattar «QR QMA jas mamandary pýlyna»qabyldanyp, QR Bas prokýratýrasy janyndaǵy Quqyq qorǵaý organdary akademııasynda oqytýdan ótý úshin usynylady», -dep jazylǵan resmı saıtta.

Іrikteýden ótkender odan ári Akademııaǵa qabyldaý úshin usynylǵan úmitkerler QR zańnamasyn bilý boıynsha aýyzsha emtıhan tapsyrýy tıis.

Oqytý 5 aı boıy ótkiziledi jáne ekonomıkalyq tergep-tekserý qyzmeti organdarynda 1 aı taǵylymdamadan ótedi.

Qyzmetkerlerdiń eń tómengi jalaqysy (laýazymdyq jalaqysy) 156 myń teńge bolmaq.

«Bul rette quqyq qorǵaý organdary qyzmetkerleriniń aqshalaı úlesi laýazymdyq jalaqydan, sondaı-aq arnaýly ataǵy úshin 38 225 teńgeden bastap qosymsha aqylardan, qyzmet ótkerýdiń erekshe jaǵdaılary, synyptyq biliktiligi úshin ústemeaqylardan jáne jalaqynyń 10-nan bastap 50%-ǵa deıingi mólsherinde basqa da tólemderden quralady. Sondaı-aq, Jumys nátıjeleri úshin syıaqy tóleý júıesi qarastyrylǵan, saýyqtyrýǵa arnalǵan járdemaqy tólene otyryp, eńbek sińirgen jyldaryna sáıkes 30 jáne odan artyq kúntizbelik kún kóleminde demalys beriledi», - dep jazady agenttik saıty.