Qarjylaı turaqtylyq qory daǵdarys kezinde jumys isteýge múmkindik beredi – Ahmetjan Esimov
Shtab otyrysynda belgili bolǵandaı, 2019 jyldyń qorytyndysy boıynsha «Samuryq-Qazyna» ulttyq ál-aýqat qory» Ulttyq kompanııasy oń qarjylaı nátıje kórsetken. Osylaısha, sońǵy eki jylda jınalǵan qarjylaı turaqtylyq qory «Samuryq-Qazynaǵa» daǵdarys kezinde qalypty jumys isteýge múmkindik beredi.
Shtabtyń onlaın otyrysynda Ahmetjan Esimov 2019 jyly negizgi óndiristik ındekatorlar boıynsha josparly nátıjeler oryndalǵanyn, al, daǵdarys kezinde eń bastysy jumys oryndaryn saqtap qalýǵa basa nazar bólý kerek dep atap ótti.
«Sońǵy eki jylda Qor syrtqy qaryzyn merziminen buryn tólep, 8 mlrd AQSh dollaryna qysqartty. Qazirgi resmı valıýta baǵamyn esepke alsaq, biz valıýta baǵamyna qatysty táýekeldi 1 trln teńgege deıin únemdedik. Bul óz kezeginde bizdiń kompanııalarǵa daǵdarys kezinde shtatty rejımde jáne óndiristi toqtatpaı, jumys isteýge múmkindik beredi. Ulttyq ekonomıkanyń eń negizgi salalaryndaǵy iri kompanııalardyń barlyǵy, atap aıtsaq, munaı, elektroenergetıka, ýran sııaqty saladardaǵy kompanııalar turaqty jumys istep tur», - dedi Ahmetjan Esimov.
Sonymen qatar, otyrysta belgili bolǵandaı, qazir Qytaımen aradaǵy temirjol konteınerleriniń tasymaly qaıta jandana bastaǵan. Jýyq arada Qytaıdan Eýrazııalyq ekonomıkalyq odaqqa kirmeıtin Eýropa elderine degen tranzıttik pochta tasymaly jandanady degen boljam bar. Qor tóraǵasy óz kezeginde «Qazaqtelekom» AQ jelilerine túsetin salmaq 30 paıyzǵa kóbeıgenin ataı kele, bul kompanııa kórsetip jatqan qyzmet kólemin ulǵaıyp jatqanyn kórsetedi deıdi.
«Negizgi strategııalyq salalardaǵy, máselen, energetıka, baılanys, logıstıka baǵytyndaǵy Qordyń kompanııalary daǵdarys olardyń ekonomıkasyna eń mınımaldy túrde áser etýi kerek ekenin esta saqtasyn. Eń bastysy – jumys oryndaryn saqtaý. Ortalyq Azııadaǵy eń iri jumys berýshi kompanııalardyń biri retinde Qor bul mindetti eń sapaly maqsat dep esepteıdi. Qazirgi daǵdarys jaǵdaıynda bul mindettiń máni artyp otyr», - dedi Ahmetjan Esimov shtabtyń onlaın otyrysynda.
Memleket basshysynyń ekonomıkany turaqtandyrý jónindegi jarlyǵyn oryndaý úshin «Samuryq-Qazyna» qory daǵdarys kezinde qazaqstandyq kompanııalarǵa qoldaý bildirý baǵytynda tıisti sheshim qabyldaǵan. Máselen, Qor otandyq taýar óndirýshilerdiń satyp alýǵa qatysýdaǵy múmkindikterin keńeıtti. «Samruk-Kazyna Construction» AQ turǵyn úı jáne kommertsııalyq jyljymaıtyn múlikti jalǵa alyp otyrǵan 9000 kásipkerge jalǵa alý aqysyn eshbir aıyppulsyz 1 maýsymǵa deıin shegerdi. Bul shara jalpy sany 37 myń adamdy kómekpen qamtyp otyr. Bunymen qatar, Qor Іshki ister mınıstrligine, Densaýlyq saqtaý mınıstrligi men Eńbek jáne halyqty áleýmettik qorǵaý mınıstrligine bas-aıaǵy 6 mln dana jeke qorǵaný quralyn satyp alý úshin qarajat bólgen.
Birden aıta ketý kerek, Qazaqstanda Covid-2019 vırýsynyń órshýine baılanysty, daǵdarysqa qarsy shtabtyń onlaın otyrysynda Qorǵa qarasty qorjyndyq kompanııalardyń jetekshileri Basqarma tóraǵasy Ahmetjan Esimovke kompanııanyń qyzmetkerleri koronavırýstan qalaı qorǵanyp jatqany týraly aqparat berdi. Máselen, Qorǵa qarasty árbir qorjyndyq kompanııada tótenshe jaǵdaıdy basqarý jónindegi shtab qurylǵan, is-áreketter algorıtmy men áreket etý jospary bekitilip, keńsedegi qyzmetkerlerdiń basym bóligi qashyqtan jumys isteýge aýysqan. Aıta keteıik, koronavırýs ınfektsııasyna baılanysty Prezıdent Qasym-Jomart Toqaevtyń jarlyǵyna sáıkes, Dúnıejúzilik densaýlyq saqtaý uıymynyń jańa COVID-19 koronavırýsyn pandemııa dep jarııalaýyna baılanysty azamattardyń ómiri men densaýlyǵyn qorǵaý maqsatynda Qazaqstannyń barlyq aýmaǵynda 2020 jyldyń 16 naýryzy, saǵat 8.00-den bastap, 2020 jyldyń 15 sáýir saǵat 7.00-ne deıin tótenshe jaǵdaı engizilgen.
Esterińizge sala keteıik, jalǵyz aktsıoneri Qazaqstan Respýblıkasynyń Úkimeti bolyp sanalatyn «Samuryq-Qazyna» ulttyq ál-aýqat qory» AQ Qazaqstan Respýblıkasy Prezıdentiniń jarlyǵymen 2008 jyly qurylǵan. 2019 jyldyń birinshi jarty jyldyǵyndaǵy málimetke sáıkes, shamamen 68 mlrd dollardy qurady. «Samuryq-Qazyna» ulttyq ál-aýqat qorynyń» kompanııalar tobyna munaı-gaz, kólik-logıstıkalyq, hımııa jáne atom ónerkásibi, taý-metallýrgııa kesheni men energetıka salasyndaǵy kásiporyndar kiredi.