Qarjy júıesin jańa jahandyq shynaıylyqtarǵa sáıkestendirý qajet - B. Sultanov

ASTANA. QazAqparat - Qarjy júıesin tezirek turaqtandyryp, ony jańa jahandyq shynaıylyqtarǵa sáıkestendirý qajet. Bul týraly búgin Memleket basshysynyń bes ınstıtýttyq reformasy aıasyndaǵy «100 naqty qadam» Ult josparyn júzege asyrý boıynsha zańnamalyq jańalyqtar men erejelerdi túsindirý jónindegi semınarda QR Qarjy mınıstri Baqyt Sultanov málim etti.

«Elimizdegi qarjy júıesin tezirek turaqtandyryp, ony jańa jahandyq shynaıylyqqa sáıkestendirýge tıispiz. Bul rette memlekettik kirister men shyǵystardyń qoldanystaǵy júıesin qaıta qarastyryp, únemdeı ómir súrýge úırenýge tıispiz. Degenmen, únemdeý aıasynda damý deńgeıi tabandap qalmaýy kerek», - dedi mınıstr Baqyt Sultanov.

Onyń aıtýynsha, syrtqy mindetterdi júzege asyrý úshin halyqtyń múddeliligin oıatý da asa mańyzdy.

«Bul rette qazaqstandyqtardy sapaly, laıyqty ómirmen qamtamasyz etý asa mańyzdy. Sonyń ishinde, eń aldymen bazalyq qajettilikterdi, sapaly bilim berý, densaýlyq saqtaý júıesiniń joǵary deńgeıi, joǵary jalaqy tólenetin eńbek, azyq-túliktiń sapalylyǵy, zańdar men qaýipsizdikti jetildirý máselelerine meılinshe kóńil bólingen jón», - dedi B. Sultanov.