Qarjy polıtsııasy «Qazaqstan temir joly» enshiles kompanııalarynyń top-menedjerlerine qatysty qylmystyq is qozǵady

ASTANA. QazAqparat - Aǵymdaǵy jylǵy 16 mamyrda Qarjy polıtsııasy agenttiginiń qyzmetkerleri «Lokomotıv» AQ atqarýshy dırektory E.Qalaýbaevty asa iri mólsherde para aldy degen kúdikpen ustady. Bul týraly QR Ekonomıkalyq jáne sybaılas jemqorlyqqa qarsy kúres agenttiginiń baspasóz qyzmetinen habarlady.

Ol dızeldik janarmaıdy jetkizýge kelisimshartty jasaýǵa jaǵdaı jasaý úshin «Nur Tabys Munaı NTM» JShS ókilinen jalpy somasy 100 myń AQSh dollary kóleminde para alǵan dep aıyptalýda. Sol kúni Qalaýbaevqa qatysty asa iri mólsherde para alý faktisi boıynsha qylmystyq is qozǵaldy.

19 mamyrda Qalaýbaev sot sanktsııasymen qamaýǵa alyndy. Budan basqa, para alýǵa qatysqan degen aıyppen «Qaztemirtrans» AQ atqarýshy dırektory D.Álmýsınge izdeýge jarııalandy. Qylmystyq is tergelýde, ózge aqparat tergeý múddesine baılanysty jarııalanbaıdy.