Qarjy pıramıdasyna basshylyq etken aqtóbelikten 70 mln teńge óndirildi
Byltyr «Qarjylyq (ınvestıtsııalyq) pıramıdany qurý jáne oǵan basshylyq etý» baby boıynsha Qaırat Іztileýge qatysty tergeý júrdi. Oblystyq polıtsııa departamenti habarlandyrý arqyly j ábirlenýshilerdi izdedi. Al búgin Aqtóbe qalasynyń №2 sotynda sottalýshy Qaırat Іztileýge qatysty qylmystyq is qaralyp, úkim shyqty. Іs materıalyna súıensek, 2020 jyldyń qańtar aıynan bastap 2020 jyldyń aqpan aıyna deıin Q.Іztileýdiń qarjy pıramıdasy bolyp tabylatyn fılıaldy basqaryp, «Golden city-200» JShS zańsyz qyzmetin júzege asyrǵan. Jalǵan sharttar jasasyp, azamattarǵa joǵary syıaqy úshin tólemder alatynyna kepildik bergeni anyqtaldy. Qylmystyq is-áreketterdiń nátıjesinde jábirlenýshilerge 71 550 000 kóleminde materıaldyq zalal keltirildi.
«Sot otyrysynda sottalýshy qylmys jasaǵany úshin ózine taǵylǵan aıyp boıynsha kinásin moıyndady. Sottalýshynyń kinási kýálar men jábirlenýshilerdiń bergen aıǵaqtary, sot otyrysynda zerttelgen is boıynsha basqa da dáleldemelerdiń jıyntyǵymen dáleldendi. Memlekettik aıyptaýshy sottan Q.Іztileýge 7 jyl merzimge basshylyq laýazymdy atqarý quqyǵynan aıyra otyryp, 6 jyl 6 aı merzimge bas bostandyǵynan aıyrý jazasyn taǵaıyndaýdy surady. Jaza taǵaıyndaý kezinde jeńildetilgen jáne aýyrlatatyn mán-jaılar eskeriledi. Sottalýshy Q.Іztileýdiń kámelet jasqa tolmaǵan balalary bar. Bul qylmystyq jaýaptylyqty jeńildetetin mán jaılarǵa jatady. Memlekettik aıyptaýshy qylmystyq jaýaptylyqty aýyrlatatyn mán-jaılardy anyqtamady. Sot úkimimen
Q.Іztileýge 7 jyl merzimge kommetsııalyq mekemelerde basshylyq laýazymdy atqarý quqyǵynan aıyra otyryp, 6 jyl 6 aı merzimge bas bostandyǵynan aıyrý jazasy taǵaıyndalǵan. Jábirlenýshilerdiń paıdasyna 70 350 000 tenge óndirildi», - dedi oblystyq sottyń baspasóz qyzmeti.
Sot úkimi zańdy kúshine engen joq.