Qarjy pıramıdasyn jarnamalaıtyn 52 silteme buǵattaldy – Bas prokýror

NUR-SULTAN. QazAqparat – «Kıberqadaǵalaý» aqparattyq júıesiniń kómegimen qarjy pıramıdalaryn jarnamalaıtyn 52 silteme buǵattaldy. QR Bas prokýrory Ǵızat Nurdáýletov Májilis ókilderiniń depýtattyq saýalyna bergen jaýabynda osyndaı derek keltirdi, dep habarlaıdy QazAqparat tilshisi.

«Jyl basynan beri Іshki ister mınıstrligine yqtımal qarjy pıramıdalary týraly 66 aqparat kelip tústi. Olardyń 9-y boıynsha sotqa deıingi tergeý bastaldy», - dep jazdy Ǵızat Nurdáýletov depýtattyq saýalǵa bergen jaýabynda.

Ol, sondaı-aq, vedomstvonyń osy baǵytta júrgizip jatqan aldyn alý jumysy týraly málimet berdi.

«Internet jelisindegi zańsyz áreketterdiń jolyn kesý úshin Bas prokýratýranyń bastamasymen 2017 jyly «Kazdream Technology» JShS «Kıberqadaǵalaý» aqparattyq júıesin ázirledi», - dep jazylǵan Bas prokýrordyń jaýabynda.

Bas prokýratýranyń habarlaýynsha, júıege prokýratýra men aýmaqtyq vedomsvtoalarynyń, Ulttyq qaýipsizdik komıteti men aýmaqtyq departamentterdiń, ishki ister mınıstrligi men ákimdikterdiń 185 qyzmetkeri engizilgen.

«Aqparattyq júıe fýnktsıonaly quqyqqa qarsy kontentti qadaǵalaý men buǵattaıdy. Sondaı-aq, qaıtalap jarııalanǵan málimetterdiń qaralymyn zerdelep, statıstıka júrgizedi. Búgingi tańda júıe qarjy pıramıdasynyń qyzmetin zańsyz jarnamalaıtyn 52 siltemeni buǵattady. Aqparat jáne qoǵamdyq damý mınıstrligi 9 ınternet-resýrsqa 39 jarııalanymdy alyp tastaýdy talap etetin alty uıǵarym jiberdi» - dep túıindedi Ǵızat Nurdáýletov.