Qarjy pıramıdasyn uıymdastyrǵan 138 adam qylmystyq jaýapkershilikke tartyldy
«Qabyldanǵan is-sharalardyń, onyń ishinde saıttardy buǵattaý, uıymdastyrýshylardy, fılıaldardy, qurylymdyq bólimshelerdi ornatý boıynsha is-sharalardyń nátıjesinde 180-nen astam qarjylyq ınvestıtsııalyq kompanııalar men fırmalardyń qyzmeti toqtatyldy. 138 adam qylmystyq jaýapkershilikke tartyldy. Olardyń 50-i sottaldy, qalǵandaryna qatysty sot talqylaýy júrip jatyr. Sotqa deıingi tergeý barysynda jalpy somasy 3 mlrd teńgeden asatyn qarajatqa, jyljymaly jáne jyljymaıtyn múlikke (jeke úıler, páterler, jer ýchaskeleri, kólik quraldary, keshender jáne t. b.) tyıym salyndy», - dedi Sanjar Ádilov Ortalyq kommýnıkatsııalar qyzmetindegi baspsóz máslıhatynda.
Onyń aıtýynsha, Іshki ister mınıstrliginiń qarjy pıramıdalarynyń aldyn alý, anyqtaý jáne jolyn kesý baǵytynda júrgizgen jumysynyń nátıjesinde qylmystyń osy túri jyl saıyn azaıyp keledi.
«Qarjy pıramıdalaryna qarsy turýda bizdiń qyzmetimiz qarjy monıtorıngi agenttigimen tyǵyz yntymaqtastyqta júzege asyrylatynyn atap ótý qajet. Osy organmen kelip túsken aqparattarmen almasamyz. Alaıaqtyq tásil arqyly zańsyz kiris alýmen aınalysatyn kompanııalardy anyqtaý jumysyn júrgizemiz. Nátıjesinde qarjy pıramıdalarynyń jolyn kesý jáne olarǵa qarsy is-qımyl jumysy erekshe mańyzǵa ıe boldy», - dedi departament bastyǵy.