Qarjy pıramıdasy boıynsha eki kompanııanyń isi sotqa joldandy
Almaty qalasy Bostandyq aýdanynyń prokýratýrasy «Astra Consulting Agensy» JShS jáne «Alpha Lux Consulting» JShS basshylary men menedjerlerine qatysty qarjy pıramıdasy týraly qylmystyq isti sotqa joldady. Onyń qyzmeti salymshylarǵa 600 mln teńgeden astam shyǵyn keltirdi.
«Tergeý barysynda anyqtalǵany, uıymdastyrýshylar men menedjerler uıaly telefondarǵa qońyraý shalyp, qarjylyq saýattylyq kýrstaryna shaqyrǵan. Sodan keıin olar salym somasyna baılanysty ártúrli paıyzdarmen 124 salymshyny aldap, aqshany senimgerlik basqarý týraly kelisimder jasaǵan. Investorlarǵa salym somasyna baılanysty jedel tólemder berýge ýáde etken. Qylmystyq is sheńberinde 6 adam kúdikti retinde tanylyp, olarǵa qatysty «kúzetpen ustaý» túrindegi bultartpaý sharasy tańdaldy», - dep habarlady prokýratýradan.
Qazirgi ýaqytta qylmystyq is aıaqtalyp, sotqa joldandy.
Prokýratýra organdary azamattarǵa joǵary paıda tabýǵa ýáde beretin túrli kásiporyndarǵa qarajat salý týraly usynystar alǵan kezde abaı bolýǵa shaqyrdy.
Eske salaıyq, byltyr sáýirde «Astra Consulting Agency» JShS qyzmeti qarjylyq pıramıda retinde tanylǵan bolatyn.