Qarjy pıramıdalary qazaqstandyqtardyń 11 mln teńgesin jep qoıǵan
20:13, 03 Tamyz 2017
ASTANA. QazAqparat - Sońǵy alty aıdyń ishinde qarjy pıramıdalary boıynsha 8 qylmystyq is qozǵaldy, dep habarlaıdyQazAqparat tilshisi.
«Qarjy pıramıdalarynan kelgen shyǵynnyń jalpy somasy 11 mln teńgeni qurady. Alty aıdyń ishinde Ekonomıkalyq tergeýler qyzmeti 21 qylmystyq is boıynsha jumys istep, qarjy pıramıdalaryna qatysy bar adamdarǵa tıesili 2,6 mln teńgeniń múlkin tárkiledi», - Ekonomıkalyq tergeýler departamentiniń profılaktıkalyq jumys jáne baqylaý bóliminiń bastyǵy Arman Esembaev Astanada ótken baspasóz máslıhatynda.
Aıta keteıik, sońǵy alty aıdyń ishinde ekonomıkalyq qylmystar boıynsha memleketke kelgen shyǵyn 151,5 mlrd teńgeni qurady. Atalǵan qarjynyń bári áleýmettik baǵdarlamalarǵa arnalǵan bolatyn. Ol aqshaǵa shamamen 70 mektep salýǵa bolady. Máselen, shymkenttik sheneýnikter bıýdjet aqshasyn jymqyrýdyń taǵy bir jolyn tapty.