Qarjy naryǵyndaǵy ahýal turaqty - Ulttyq bank basshysy

ALMATY. QazAqparat - QR Ulttyq banki qarjy naryǵyndaǵy ahýal týraly esep berdi, dep habarlaıdy QazAqparat tilshisi.

«Inflıatsııa 2017 jyldyń sáýirinde 0,5 % boldy, jyl basynan bergi kórsetkish 2,7 %. Jyldyq kórsetkishte 7,5-ke deıin azaıyp, 6-8 % dálizde saqtaldy. QR Ulttyq bankiniń altyn valıýtalyq rezervi 311 mln dollarǵa artty», - dedi bas bankır.

Danııar Aqyshev sondaı-aq, Ulttyq qordaǵy qarjy kólemi 63 mlrd dollar bolǵanyn aıtty. Bazalyq stavka 11 % deńgeıinde saqtaldy.

«Ulttyq bank sońǵy ýaqytta eshqandaı ınterventsııa júrgizgen joq. Teńge baǵamy suranysqa baılanysty qalyptasyp jatyr. Qazir teńgedegi depozıtter kólemi dollardaǵy depozıtten asty. Teńgemen nesıe alý 0,9 paıyzǵa artty. Biz erkin valıýta baǵamyna kóshkenimizdiń tıimdiligin taǵy baıqap otyrmyz», - dedi D.Aqyshev.