Qarjy naryǵyn retteý jáne damytý agenttiginiń resmı saıty ashyldy
QR Prezıdentiniń «Qazaqstan Respýblıkasynyń memlekettik basqarý júıesin odan ári jetildirý týraly» Jarlyǵymen 2020 jyldyń 1 qańtarynan bastap, Qazaqstanda jańa memlekettik organ - Qarjy naryǵyn retteý jáne damytý agenttigi óz jumysyn bastady.
Agenttik qarjylyq qyzmet tutynýshylarynyń quqyqtary men zańdy múddelerin qorǵaýdyń tıisti deńgeıin qamtamasyz etetin, qarjy júıesiniń turaqtylyǵy men qarjy naryǵynyń damýyna yqpal etetin, memlekettik retteýdi, qarjy naryǵyn jáne qarjy uıymdaryn, sondaı-aq óz quzyretine kiretin ózge tulǵalardy memlekettik retteýdi júzege asyratyn memlekettik organ bolyp tabylady.
Qarjy naryǵyn retteý jáne damytý agenttigi QR Ulttyq Bankiniń quqyqtary men mindetteriniń murageri retinde belgilendi jáne birqatar fýnktsııalar men ókilettikterdi ózine aldy.
2019 jyldyń 18 jeltoqsanynda Prezıdent Jarlyǵymen QR Qarjy naryǵyn retteý jáne damytý agenttiginiń tóraǵasy qyzmetine Mádına Ábilqasymova taǵaıyndaldy.