Qarjy mınıstrliginde jemqorlyq nege kóp tirkelgen - Jamaýbaev jaýap berdi

ASTANA. QazAqparat – Qarjy mınıstrliginde jemqorlyq faktileri eń kóp tirkelgen. QR Premer-Mınıstriniń orynbasary – Qarjy mınıstri Erulan Jamaýbaev osy máselege jaýap berdi, dep habarlaıdy QazAqparat tilshisi.

«Bas prokýratýranyń júrgizgen resmı statıstıkasy boıynsha, ishindegi jemqorlary eń kóp vedomstvo Qarjy mınıstrligi ekeni aıtyldy. Bul týraly oıyńyz qandaı?», - dep surady jýrnalıster Qarjy mınıstrinen Úkimet otyrysynan keıin.

Erulan Jamaýbaev mundaı statıstıka eshkimge abyroı ákelmeıtinin aıtyp, atqarylyp jatqan sharalarǵa da toqtaldy.

«Birinshiden, bul jóninde tıisti eskertýler jasaldy. Qazir búkil óńirlermen jumys atqarylyp jatyr. Árıne, bul statıstıka eshkimge jaqsylyq ákelmeıdi. Biraq aınalyp kelgende keshendi túrde jumystar júrgizip jatyrmyz.

Ekinshiden, ózderińiz bilesizder, jalpy mınıstrlikterdiń ishinde bizdiń mınıstrlik eń úlkeni. ıAǵnı quqyq qorǵaý organdaryn almaıtyn bolsaq, Qarjy mınıstrliginiń qyzmetkerleri búkil memleket qyzmetkerleriniń 25 paıyzyn quraıdy. Sol statıskany ózderińiz adam basyna shaǵyp qarasańyzdar, biz birinshi orynda turamyz», - dedi vıtse-premer.