Qarjy mınıstrliginde ońtaılandyrý jumystary qalaı júrgizilip jatyr
«Memleket basshysynyń tekserýshi jáne tıimsiz shyǵystardy qysqartý jónindegi tapsyrmasyna sáıkes 2019 jyly Qarjy mınıstrliginiń shtat sany 1 815 birlikke ońtaılandyrylyp, qazirgi ýaqytta shtat 17 978 birlikti quraıdy. Memlekettik satyp alýdy ortalyqtandyrý sheńberinde Qazynashylyq komıteti oǵan Memlekettik satyp alý jónindegi komıtetti qosý jolymen qaıta uıymdastyryldy. Sondaı-aq, vedomstvolyq baǵynysty uıymdardy ońtaılandyrý maqsatynda Ońaltý jáne aktıvterdi basqarý kompanııasy Problemalyq kredıtter qoryna qosyldy. Al Qarjy akademııasy Bilim jáne ǵylym mınıstrliginiń qaramaǵyna berildi», - dedi Erulan Jamaýbaev OKQ ótken halyq aldynda esep berýi kezinde.
Mınıstr sonymen qatar, «Baıqońyrbalans» memlekettik mekemesin tıisti salanyń ýákiletti organy - Tsıfrlyq damý, ınnovatsııa jáne aeroǵarysh ónerkásibi mınıstrliginiń qaramaǵyna berilgeli jatyr.
«Búgingi kúni mınıstrliktiń ońtaıly qurylymy ortalyq apparattan aýmaqtyq bólimsheleri bar bes vedomstvodan jáne vedomstvolyq baǵynysty tórt uıymnan turady», - dedi ol.