Qarjy mınıstrligi zeınetaqy jınaǵyn jeke kompanııalardyń basqarýyna berýdi qoldady

ASTANA. QazAqparat - QR Qarjy mınıstrligi zeınetaqy jınaǵyn jeke kompanııalardyń basqarýyna berý bastamasyn qoldap otyr. Buǵan deıin atalmysh bastamany QR Ulttyq banki kótergen bolatyn. Bul týraly Úkimettiń baspasóz ortalyǵynda ótken brıfıng barysynda Qarjy vıtse-mınıstri Berik Sholpanqulov aıtyp berdi, dep habarlaıdy QazAqparat tilshisi.

«Biz bul bastamany qoldap otyrmyz. Ol eń aldymen halyqtyń zeınetaqy aktıvterin basqarý protsesinde senimdi arttyrýǵa baǵyttalǵan», - dedi Berik Sholpanqulov.

Vıtse-mınıstr sonymen qatar, bul amal-ádis budan bes jyl burynǵy tájirıbeden qandaı aıyrmashylyǵy baryn túsindirip berdi. Aıta ketsek, osydan bes jyl buryn da zeınetaqy aktıvteri jeke kompanııalardyń basqarýyna berilgen bolatyn.

«Osydan bes jyl burynǵy tájirıbe me dep surasańyzdar - joq. Bul jerde úleste bolý ádisi alynyp tastalady. Bes jyl buryn bankter men basqarýshy kompanııalar bir úleste bolǵan edi. Sáıkesinshe, olardyń qarajaty da osy zeınetaqy jınaqtarynyń quryltaıshysy retindegi bankke shoǵyrlandyrylǵan. Al atalmysh mehanızm boıynsha shyǵyndardyń bári qysqartylyp, basqarý protsesin jeńildetkimiz keledi», - deıdi Berik Sholpanqulov.