Qarjy mınıstrligi transshekaralyq saýdany baqylaýdy kúsheıtpek
«Táýekelderdi basqarý júıesiniń qoldanylý aıasyn keńeıttik. Jalpy, táýekelderdiń 86 túrli modeli quryldy, 12 mlrd astam tsıfrlyq qujattar óńdeldi. Nátıjesinde tsıfrlandyrý jáne ákimshilendirýdiń esebinen 2019 jyly qosymsha 916 mlrd teńge qamtamasyz etildi. 2020 jyldan bastap onlaın-baqylaý kassa mashınalaryn qoldanýǵa jappaı kóshý júrgizildi», - dedi ol.
Mınıstrdiń aıtýynsha, «E-tereze» aqparattyq júıesi ruqsat qujattaryn beretin 13 aqparattyq júıeni biriktirdi. Qyzmetterdi alý ýaqyty 30 kúnnen 5 kúnge deıin qysqardy.
«2020 jyldyń qorytyndysy boıynsha ákimshilendirý jáne tsıfrlandyrý esebinen qosymsha 710 mlrd teńge salyq túsimderi qamtamasyz etildi», - dedi Erulan Jamaýbaev.
Sonymen qatar ol Qarjy mınıstrligi ákimshilendirýdi odan ári jetildirý jáne bıýdjetti tolyqtyrý úshin tsıfrlandyrýǵa basa nazar aýdara otyryp, birqatar naqty sharalar ázirlegenin aıtty. Atalǵan sharalardyń qatarynda transshekaralyq saýdany baqylaýdy kúsheıtý; kedendik ınfraqurylymdy jańǵyrtý; aqparattyq júıelerdi jetildirý jáne jańa platformaǵa kóshý; iri salyq tóleýshilerdiń kóldeneń monıtorıngin qoldaný; halyq pen bızneske arnalǵan mobıldi qosymshalardy damytý; zańnamany jetildirý bar.