Qarjy mınıstrligi «Samuryq-Qazynaǵa» qatysty máselelerdi qarap jatyr

NUR-SULTAN. QazAqparat - Memleket basshysynyń tapsyrmasyn oryndaý maqsatynda, Qarjy mınıstrligi «Samuryq-Qazyna» qory ázirlegen, satyp alýdyń jańa tártibin qarady, dep habarlaıdy QazAqparat Qarjy mınıstrliginiń baspasóz qyzmetine silteme jasap.

Tártipti qaraý nátıjesi boıynsha ashyqtyqty kúsheıtý, biliktilik jáne tenderlik qujattamalardyń nysandaryn belgileý jáne talaptaryn ashý, tártipti memlekettik satyp alý tásilderimen jáne rásimderimen úılestirýge tıisti usynystar men eskertýler berildi.

Satyp alýdyń barlyq rásimderiniń sıpattamasy Tártipte kórsetilip, ózge qujattarǵa siltemesiz jáne satyp alýǵa qatysýshylarǵa qoljetimdi bolýy tıis.

Sonymen qatar, biliktilik komıssııasynyń ótinimderdi qaraý kezinde sybaılas jemqorlyq táýekelderin joıýǵa, bir kózden satyp alýdy qysqartýǵa, holdıngtiń ishinde ótkiziletin, ıaǵnı Qordyń enshiles uıymdarynan satyp alýlardy joıýǵa usynys berildi.

Búgingi tańda «Samuryq-Qazyna» Qarjy mınıstrligimen birlesip osy eskertýlerdi joıý boıynsha jumys júrgizýde, onyń nátıjeleri boıynsha satyp alý tártibi kelisiletin bolady.