Qarjy mınıstrligi memlekettik satyp alý portalyndaǵy aqaýǵa túsinik berdi

NUR-SULTAN. QazAqparat - Memlekettik satyp alý veb-portalynyń basty betindegi kelisimsharttar týraly derekter qasaqana jasyryldy degen aqparat shyndyqqa sáıkes kelmeıdi. Bul týraly QR Qarjy mınıstrliginen málim etti, dep habarlaıdy QazAqparat.

Mınıstrlik túsken aqparatqa taldaý júrgizip, nátıjesinde kelesini anyqtaǵan: memlekettik satyp alý veb-portalynyń basty betindegi barlyq kelisimsharttar «Tirkeýshiler – Kelisimsharttar - Kelisimsharttar tirkelimderi» bóliminde kórsetilgen.

«Alaıda, kelisimshart kartasynyń «Kelisim jáne bekitý» bóliminde sharttyń pdf formasyna silteme bolmaǵan. Bul óz kezeginde memlekettik satyp alý veb-portalynyń tehnıkalyq qateligi bolyp tabylady», - dep naqtylady vedomstvodan.

Málim bolǵandaı, alǵashqy shaǵym 4 mamyrda túsken.

«2021 jyly 4 mamyrda «Almaty qalasynyń sporttyq ǵımarattar dırektsııasy» qoǵamdyq uıymynan birinshi shaǵym kelip tústi. ıAǵnı «Kelisim jáne bekitý» bóliminde kelisimderdiń (pdf formatyndaǵy) qalyptastyrylǵan nusqalaryna siltemelerdiń qoljetimsizdigi anyqtaldy. «Kelisim tabylmady»degen qate kórsetildi.

Másele kelisim kartasyndaǵy «kelisim jáne maquldaý» qoıyndysynda «kelisim tabylmady» degen qateniń shyǵýynan, kelisimniń pdf nusqasyna siltemeniń bolmaýynan týyndaǵan. Operator týyndaǵan tehnıkalyq qateni taldady, sodan keıin másele 2021 jyly 11 mamyrda saǵat 18:20-da joıyldy», - dedi mınıstrlikten.

Qarjy mınıstrligi júıedegi bul qatelik satyp alý protsesine áser etpegenin atap ótedi.

«Bul jáıt memlekettik satyp alý veb-portalynyń basty betinde ǵana boldy jáne buǵattalǵan joq. Osylaısha, barlyq satyp alý protsedýralary, josparlary men kelisimsharttary avtorızatsııa rásiminen ótkennen keıin júıede júzege asyrylady, al basty bet júıede qamtylǵan ashyq derekterdiń tek «vıtrınasy» bolyp tabylady.

Sonymen qatar, másele tek satyp alý protsedýralary aıaqtalǵan jáne tranzaktsııalar jasalǵan kelisimsharttardy kórý fýnktsııasynda boldy. Nátıjesinde bul problema satyp alý protsesterine áser etpedi jáne portalda kelisimsharttar jasaýǵa kedergi bolmady», - delingen mınıstrlik aqparatynda.

Bul oqıǵa táýekelder tizimine engizilip, profılaktıkalyq sharalar úshin baqylaý kúsheıtildi.

QR QM satyp alý alańynda qıyndyqtar týyndaǵan jaıdada qaıda shaǵymdanýǵa bolatynyn aıtty.

«Memlekettik satyp alý veb-portalynda problemalar týyndaǵan jaǵdaıda 8-800-080-34-37 telefony arqyly «EQO» AQ baılanys ortalyǵyna habarlasýǵa (QR boıynsha tegin) nemese [e-mail] elektrondyq poshtasyna máseleni kórsetetin skrınshottarmen jáne aqaýlyqtyń sıpattamasymen hat jazýǵa bolady», - deıdi vedomstvo ókilderi.