Qarjy mınıstrligi quramyndaǵy aktsıonerlik qoǵamdardyń qyzmeti qandaı
Osy oraıda ol «Elektrondyq qarjy ortalyǵy» AQ-nyń qyzmetine toqtaldy.
«Elektrondyq qarjy ortalyǵy memlekettik satyp alý jáne kvazımemlekettik sektordy satyp alý boıynsha Biryńǵaı operatory jáne bıýdjet protsesiniń ıntegratory bolyp sanalady. Esepti kezeńde Elektrondyq qarjy ortalyǵy mynadaı is-sharalardy oryndady: memlekettik satyp alýdyń búkil protsesi avtomattandyryldy, bıýdjettik josparlaý merzimi 2 esege qysqartyldy, salyq tóleýshi kabıneti jumysynyń jyldamdyǵy 8 esege artty, Baılanys ortalyǵy táýlik boıyna, 24/7 rejımine aýystyryldy. Nátıjesinde 2020 jyly 915 mln teńge taza paıda alyndy, onyń 700 mln teńgesi dıvıdend retinde respýblıkalyq bıýdjetke aýdaryldy», - dedi mınıstr.
Budan bólek E. Jamaýbaev «Aqparattyq-esepteý ortalyǵy» AQ qyzmetine qatysty baıandady. Ortalyqtyń tsıfrlyq platformalarynyń 400 myńdaı paıdalanýshysysy bar.
2020 jyldan bastap kómirsýtekterge jer qoınaýyn paıdalaný quqyqtaryn iske asyrý boıynsha aýktsıondar úshin elektrondyq servıs engizildi. Byltyr 23 jeltoqsanda jer qoınaýynyń jeti ýchaskesi boıynsha alǵashqy elektrondyq saýda-sattyq ótkizildi. Ashyqtyq pen básekelestik nátıjesinde ondaǵy bastapqy baǵa 263 mln teńgeden 61 mlrd teńgege deıin ósti.
Memleket basshysynyń tapsyrmasy boıynsha ázirlengen aýyl sharýashylyǵy maqsatyndaǵy jerlerdi utymdy paıdalanýǵa tsıfrlyq monıtorıng pen baqylaýdy engizý jónindegi IT-joba Birikken Ulttar Uıymynyń Halyqaralyq baıqaýynda 150 qatysýshynyń ishinen 2-oryndy ıelenip, úzdikterdiń biri bolyp tanyldy.
«Problemalyq kredıtter qorynyń qyzmetine qatysty aıtatyn bolsaq, qordyń eki strategııalyq baǵyty bar, ıaǵnı bank sektoryn saýyqtyrý jáne satyp alynǵan aktıvterdi ekonomıkalyq aınalymǵa tartý. Problemalyq aktıvterdi saýyqtyrý jáne boryshker kompanııalardy ekonomıkalyq aınalymǵa tartý úshin 43 boryshker kompanııanyń bereshegi qaıta qurylymdaldy. Sondaı-aq, 2019-2020 jyldary qor ómirlik qıyn jaǵdaıǵa tap bolǵan azamattardyń borysh júktemesin azaıtý boıynsha qarjy operatory bolyp otyr. Ekinshi deńgeıdegi bankter men mıkroqarjy uıymdarynyń shottaryna 700 myńnan astam adamnyń qaryzdary óteldi. Jalpy, mınıstrlikke baǵynysty kompanııalar óz qyzmetin sátti atqarýda», - dedi mınıstr.