Qarjy mınıstrligi «Elektrondyq deklaratsııalaý ortalyǵy» ilki jobasyn iske qosty

NUR-SULTAN - QR Qarjy mınıstrligi Memlekettik kirister komıteti kedendik ákimshilendirýdi tsıfrlandyrý jáne jańǵyrtý aıasynda «Elektrondyq deklaratsııalaý ortalyǵy» pılottyq jobasyn iske qosty, dep habarlaıdy QazAqparat.

Jobanyń maqsaty - taýarlardy ishki tutyný úshin rásimdeý kezinde Komıtettiń qurylymdyq bólimshesi deńgeıinde kedendik ózge de qujattardy jáne málimetterdi tekserý nysanynda kedendik baqylaýdy barynsha ortalyqtandyrý arqyly kedendik ákimshilendirý deńgeıin kóterý.

Іlki jobada kedendik qundy anyqtaýyna, taýarlardy jikteýdiń durystyǵyna, sondaı-aq jasalǵan jeńildikterdiń zańdylyǵyna qujattyq baqylaý júzege asyrylady. Bul rette tekserý úshin, qajetti qujattar men málimetterdi syrtqy ekonomıkalyq qyzmetke qatysýshylar ASTANA-1 aqparattyq júıesi arqyly usynady.

Birinshi kezeńde Aqmola, Atyraý, Qostanaı jáne Soltústik Qazaqstan oblystary boıynsha Memlekettik kirister departamentteriniń keden beketteri jobaǵa qosyldy. Aldaǵy ýaqytta basqa aýmaqtyq memlekettik kirister organdaryn birtindep qosý josparlanýda.

Elektrondy deklaratsııalaý ortalyǵynda rásimdeýdiń artyqshylyqtary:

- taýarlardyń kedendik qunyn baqylaý protsesin Komıtet deńgeıinde ortalyqtandyrý, bul baǵa saıasatymen qabyldanatyn sheshimderdiń birkelkiligine ákeledi;

- tekserýshi ýákiletti laýazymdy tulǵa men deklaranttyń baılanysyn joıý, óıtkeni barlyq ózara is-qımyl aqparattyq júıe arqyly tek elektrondyq nysanda júrgiziledi;

- syrtqy saýda júkteriniń logıstıkasyna arnalǵan shyǵyndardy ońtaılandyrý, sebebi taýardy deklaratsııalaý úshin deklaranttyń ornalasqan jeri mańyzdy emes, bul rette taýarlar kez kelgen shekara mańyndaǵy termınaldarda ornalastyrylýy múmkin.