Qarjy mınıstri Ulttyq qordyń ósýine yqpal etetin qadamdy aıtty

NUR-SULTAN. QazAqparat – Orta merzimdi kezeńde transfert somasy birtindep qysqaratyn bolady. Bul týraly Parlament palatalarynyń birlesken otyrysynda Qarjy mınıstri Erulan Jamaýbaev málim etti, dep habarlaıdy QazAqparat tilshisi.

«Esep komıteti Ulttyq qorǵa aýdarylýy tıis qarajattardyń basqa maqsattarǵa jumsalǵany týraly atap ótti. Ótken jyly Ulttyq qorǵa jiberilýi tıis barlyq salyqtar men tólemder tolyq kólemde aýdaryldy. Qarashyǵanaq jobasyna qatysty arbıtrajdyq daýlardyń qorytyndylary boıynsha qarjylyq ótemaqyny aýdarý bıýdjettik synyptamaǵa jáne zańnamaǵa sáıkes «Respýblıkalyq bıýdjetke salyqtyq emes basqa da túsimder» kodyna tústi. ıAǵnı bári maqsatqa jáne zańǵa saı. Bul rette, Ulttyq qordyń aktıvteri 2020 jyly 744 mlrd teńgege ósti», - dedi E. Jamaýbaev Úkimet pen Esep komıtetiniń 2020 jylǵa arnalǵan respýblıkalyq bıýdjettiń atqarylýy týraly esepterin qaraý kezinde.

Onyń aıtýynsha, qordy basqarýdan túsken ınvestıtsııalyq kiris 4,1 trln teńge qurady, bul 2019 jylmen salystyrǵanda 2,5 esege kóp.

«Keleshekte kepildendirilgen transfert boıynsha kontrtsıkldyq qaǵıdany qoldaný úshin Bıýdjet kodeksine tıisti túzetýler qabyldandy. Kepildendirilgen transfert munaıdyń konservatıvtik baǵasy kezinde munaı sektorynan Ulttyq qorǵa túsetin túsimder mólsherinen aspaıtyn kólemde aıqyndalatyn bolady. ıAǵnı orta merzimdi kezeńde transfert somasy birtindep qysqaratyn bolady. Bul munaıǵa qatysty emes tapshylyqtyń tómendeýine jáne Ulttyq qordyń ósýine yqpal etedi», - dedi mınıstr.