Qarjy mınıstri salyq boıynsha túsimder asyra oryndalǵanyn aıtty

NUR-SULTAN. QazAqparat – Májilistiń jalpy otyrysynda 2021 jylǵy respýblıkalyq bıýdjettiń atqarylýy týraly esepti qaraý kezinde QR Premer-Mınıstriniń orynbasary – Qarjy mınıstri Erulan Jamaýbaev byltyrǵy bıýdjet kiristerine qatysty túsinik berdi, dep habarlaıdy QazAqparat tilshisi.

«Transfertterdi esepke almaǵanda kirister boıynsha jospar 156 mlrd teńgege asyra oryndaldy. Bıýdjetke 7,4 trln teńge tústi. Salyq túsimderi 7,1 trln teńgeni nemese josparǵa qaraǵanda 102,1 paıyzdy qurady. Salyq boıynsha asyra oryndaýdyń negizgi somasy korporatıvtik tabys salyǵyna (225 mlrd teńge), shıki munaıǵa eksporttyq keden bajyna (89 mlrd teńge) jáne ımportqa qosylǵan qun salyǵyna (41 mlrd teńge) tıesili boldy», - dedi E. Jamaýbaev.

Onyń aıtýynsha, ekonomıkadaǵy iskerlik belsendiliktiń birtindep jandanýy, salyq ári kedendik ákimshilendirýdi jetildirý men tsıfrlandyrý boıynsha júrgizilip jatqan jumys salyq túsimderin ulǵaıtýdyń mańyzdy faktorlarynyń biri boldy.

Budan buryn habarlanǵandaı, byltyr áleýmettik shyǵystar 910 mlrd teńgege ulǵaıdy.