Qarjy mınıstri Qazaqstanǵa shetel kompanııalarynyń kóshýine qatysty pikir bildirdi
«Osynda kóshýge sheshim jasaǵan túrli kompanııa bar. Olarǵa mindetti túrde Qazaqstannyń salyq ári eńbek kodeksindegi talaptar júkteledi. Ár kásiporynǵa qatysty jumys júrip jatyr. Eger Qazaqstannyń ulttyq múddesine saı kelse, tıisti salyq somasyn tólese, jumys oryndaryn qamtamasyz etse, onda bul kompanııalardyń elimizde ornalasýyn qoldaımyz. Bular reseılik emes, batys elderiniń kompanııalary», - dedi E. Jamaýbaev Úkimet otyrysynan keıin tilshiler saýalyna jaýap bere otyryp.
Osy oraıda Qarjy mınıstri bul máseledegi jumystar Qazaqstannyń múddesi men zańnamasyna saı atqarylatynyn atap ótti.
Budan buryn habarlanǵandaı, bıyl shilde aıynda Úkimettiń keńeıtilgen otyrysynda Prezıdent Qasym-Jomart Toqaev Reseı naryǵynan ketip jatqan sheteldik kompanııalardyń Qazaqstanda jumys isteýine jaǵdaı jasaýdy tapsyrdy.
Foto: primeminister.kz