Qarjy mınıstri bıýdjet qarajatyn ıgermegen óńirlerdi atady
«2020 jyldyń qańtar-sáýir aılarynda respýblıkalyq bıýdjettiń shyǵystary 4 trln 340 mlrd teńgeni qurady. Bıýdjet qarajaty 62 mlrd. teńgege atqarylmady, onyń 14 mlrd teńgesi únemdeý boldy. Igerilmegen soma 48 mlrd teńgeni qurady», - dedi mınıstr Úkimettiń búgingi otyrysynda.
Memlekettik organdardyń qarjyny ıgermeýiniń negizgi sebepteri retinde mınıstr konkýrstyq rásimderdi uzaq jáne ýaqtynda ótkizbeý, qazynashylyq organdaryna tirkeýge sharttar men qosymsha kelisimderdi kesh usyný, sharttardy, qosymsha kelisimderdi jasasý rásimderin uzaq júrgizý jáne sotta memlekettiń múddesin qorǵaý jónindegi talap-aryz jumystaryn júrgizýdi atady.
«Naqtylanǵan bıýdjette daǵdarysqa qarsy sharalarǵa 1 trln 180 mlrd. teńge qosymsha qarastyldy. Bul somanyń 70% jergilikti bıýdjetterge «Eńbek» memlekettik baǵdarlamasy, «Aýyl - El besigi», Bıznestiń Jol kartasy aıasynda kásipkerlerdiń jobalaryn sýbsııadalaý jáne kepildendirý, agroónerkásip keshenin sýbsııadalaý kózdelgen. Barlyq qajetti bıýdjettik protsedýralar júzege asyryldy. Memlekettik satyp alýlar jeńildetilgen protsedýralar arqyly júrgizilýde. Esepti kezeńde osy qarajattyń 29 mlrd teńgesi ıgerildi», - dedi Á. Smaıylov.
Spıkerdiń aıtýynsha, jergilikti bıýdjetterdiń shyǵystary 1 trln 812 mlrd teńgege ıgerildi jáne 54 mlrd teńgesi oryndalmady.
«Eń kóp ıgerilmegen qarajat: Almaty qalasynda - 4,3 mlrd teńge, Nur-Sultanda - 2,1 mlrd teńge, Pavlodar oblysynda - 2 mlrd teńge, Shymkentte - 1,9 mlrd teńge, Batys Qazaqstan oblysynda- 1,3 mlrd teńge», - dedi Qarjy mınıstri.