Qarjy mınıstri bazalyq mólsherlemeni túsirý týraly usynysqa túsinik berdi

ASTANA. QazAqparat – QR Premer-Mınıstriniń orynbasary – Qarjy mınıstri Erulan Jamaýbaev Senat otyrysynan keıin bazalyq mólsherlemeni túsirý týraly usynysqa pikir bildirdi, dep habarlaıdy QazAqparat tilshisi.

«Sarapshylar da aıtyp júr, keshe «Halyq banktiń» tóraǵasy da bazalyq mólsherlemeni túsirý kerek degen usynys aıtty. Qarjy mınıstri retinde bazalyq mólsherlemeni túsirý eldegi azamattardy nesıege belsheden batýdan qorǵaı ala ma?», - dep surady BAQ ókili.

«Bazalyq mólsherleme kóterilse, barlyq kredıtter men depozıtterdiń paıyzdyq mólsherlemeleri kóteriledi. Bul jerde eki faktor bar. Birinshiden, kredıt alý protsesi sál báseńdeıdi. Ony moıyndaýymyz kerek. Onyń ishinde tutyný kredıtteri de bar. Bir jaǵynan ol durys ta shyǵar. Nege deseńiz, kredıtterdiń sany kóbeıgen saıyn ınfıaltsııa da óse beredi. Ulttyq banktiń motıvi sondaı»,- dedi mınıstr.

Sondaı-aq bazalyq mólsherlemeniń joǵary bolýy bankterdiń depozıt qoryn arttyryp jatqanyn atady.

«Ekinshiden, úlken ońtaıly jaǵy – bizdiń bankterdegi berip jatqan kredıtterdiń kóleminen, bankterdegi depozıtterdiń kólemi artyq. ıAǵnı, azamattardyń ishinde ishinde jınaqtaýǵa degen umtylysty arttyrady. Qazir qarasańyzdar, bankterde depozıtterdiń 11-den 15 paıyzǵa deıingi kólemin halyq salyp otyr. Osy turǵyda banktegi depozıtterdiń kóbeıýine áser etedi. Túbinde keıin bazalyq mólsherleme túsken kezde osy jerde jatqan qarajattar ekonomıkany qarjylandyrýǵa jumsalady», - dedi Erulan Jamaýbaev.

Eske salsaq, Ulttyq bank jýyrda bazalyq mólsherlemeni 16%-ǵa deıin kóterdi.