Qarjy mınıstri aýyl sharýashylyǵy salasyndaǵy sýbsıdııalardyń ashyqtyǵyna qatysty túsinik berdi
«Jaqyn arada aýyl sharýashylyǵy salasyndaǵy sybaılas jemqorlyq janjalyna kýá boldyq. Ol kásipkerlerdi sýbsıdııalaýǵa bólingen qarajatty urlaýmen baılanysty. Osy fakti boıynsha Memleket basshysy aýyl sharýashylyǵy kásiporyndaryn qoldaýdyń barlyq júıesine keshendi taldaý júrgizýdi tapsyrdy. Bul protsesterdiń ashyqtyǵyn qamatamasyz etýge jáne sýbsıdııalardy alýdyń negizsiz jaǵdaılaryn bolǵyzbaýǵa elektrondy shot-faktýralar ári astyq qolhattary aqparattyq júıelerin ıntegratsııalaý yqpal etken bolar edi. Alaıda ol áli de aıaqtalǵan joq. Aýyl sharýashylyǵy sýbsıdııalaryn berýdiń zańdylyǵy men ashyqtyǵy máselesi qanshalyqty ótkir ekenin eskere otyryp, aqparattyq júıelerdi tolyqqandy ıntegratsııalaýdyń naqty merzimi qashan?», - dep surady Májilis depýtat Ámirhan Rahymjanov.
Óz kezeginde mınıstr Erulan Jamaýbaev Sybaılas jemqorlyqqa qarsy is-qımyl agenttigi qyzmetiniń arqasynda sýbsıdııalaýǵa qatysty biraz zańsyzdyq áshkere bolǵanyna toqtaldy.
«Bul baǵytta aýyl sharýashylyǵy salasy boıynsha tıisti jumystardy atqaryp jatyrmyz. Birinshiden, jalpy osy sýbsıdııalardyń qanshalyq tıimdiligi pysyqtalýda. Ózimizdiń aqparattyq júıede, bıýdjetti qalyptastyrǵan kezde sýbsıdııanyń tıimdiligin eskeretin bolamyz. Ekinshiden, ádisteme máselesi bar. Sýbsıdııaǵa qatysty ádisteme birneshe ret ózgerýi múmkin. Bul baǵytta da biraz syn aıtylǵan bolatyn. Tekserýlerdegi sońǵy jaǵdaılarǵa baılanysty ádisteme qaıtadan qaralyp, qabyldanatyn bolady», - dedi vedomstvo basshysy.
«Jalpy, kirister komıtetiniń aqparattyq júıeleri osy jyldyń qyrkúıek aıynda ıntegratsııaǵa daıyn bolǵan. Biz bul týraly birneshe ret Aýyl sharýashylyǵy mınıstrligine hat jazyp, joldadyq. Osy jaıynda Aýyl sharýshylyǵy mınıstrimen de sóılestim. Olardyń aıtýyna qaraǵanda, agenttiktiń tekserýi aıaqtalǵannan keıin solardyń usynystaryn alyp, ádistemeni durystaǵan kezde, bizdiń júıege tolyq ıntegratsııa iske asyrylady», - dedi E. Jamaýbaev.