Qarjy agenttigi jarty jylda 8 myńnan astam saıt pen shotty buǵattaǵan

ASTANA. QazAqparat – Qarjy naryǵyn retteý jáne damytý agenttigi 2023 jyldyń alǵashqy alty aıynda 8 071 saıt pen shotty buǵattaǵan, dep habarlaıdy QazAqparat tilshisi.

Bul týraly agenttiktiń resmı saıtynda habarlandy.

Agenttik jyl basynan beri qarjy pıramıdasynyń jumysyna paıdalanylatyn, onlaın kazıno men krıptovalıýta atyn jamylyp, eldi aldaıtyn ıntternet resýrstarmen kúresken. Sol jumystyń statıstıkasyn usyndy.

Resmı statıstıkaǵa sensek, qańtardan beri elimizde jumys istegen 5 348 saıt pen shot qarjy pıramıdasynyń belgileri bar resýrs retinde buǵattalǵan.

Budan bólek 2 102 onlaın kazınonyń el aýmaǵyndaǵy jumysy toqtatylǵan. Krıptovalıýta atyn jamylyp qarajat jınamaq bolǵan 621 saıt pen shot ta jabylǵan.

Osylaısha agenttik alty aıdyń ishinde 8 071 saıt pen shotty zańǵa qaıshy qyzmeti úshin buǵattaǵan.