Qarjylyq monıtorıng agenttigi bıyldyqqa 34 jobadan 79 mlrd teńge artyq shyǵyndy qysqartty

<p>ASTANA. KAZINFORM &mdash; Qarjylyq monıtorıng agenttigi ınfraqurylymdyq jáne áleýmettik jobalardy iske asyrý barysynda artyq shyǵyndar táýekelderin barynsha azaıtý baǵytynda jumystar júrgizýde.</p>

Bul jumys jergilikti atqarýshy organdarmen jáne kvazımemlekettik sektor ókilderimen birlesip júzege asyrylyp jatyr.

«Aǵymdaǵy jyldyń qańtar aıynan bastap 34 joba boıynsha 79 mlrd teńgeden astam somaǵa bıýdjet qarajatynyń shyǵyndary qysqartyldy. Máselen, Qaraǵandy oblysynda „Qaraǵandy Sý“ JShS negizgi sý tazartý qurylystarynyń bloktaryn qaıta jańartý jobasynyń JSQ ázirleý satysynda qubyrlardyń 5 túriniń quny artyq jobalanǵany anyqtaldy. 

Birlesken jumys qorytyndysy boıynsha jobanyń málimdelgen smetalyq quny 23 mlrd teńgeden 16,8 mlrd teńgege deıin tómendetildi, nátıjesinde 6,1 mlrd teńge únemdeldi», — dep jazdy agenttikten. 

Sol sekildi, «Jaıly mektep» ulttyq jobasyn taldaý barysynda óndirýshi nemese olardyń dıstrıbıýtorlary bolyp tabylmaıtyn jetkizýshilerdiń usynystary negizinde ınteraktıvti sensorlyq paneldiń qunyn arttyrý faktisi anyqtaldy.

Agenttik «QazQSǴZI» AQ-men ózara is-qımyl nátıjesinde panelderdiń baǵasy naryqtyq deńgeıge deıin tómendetildi, bul 14 mlrd teńge mólsherinde artyq shyǵyndardyń aldyn alýǵa múmkindik bergen.

Aıta keteıik, Qarjylyq monıtorıng agenttiginiń qyzmeti qylmystyq iske jetkizbeı, erte satyda urlyq táýekelderin boldyrmaý arqyly kóleńkeli ekonomıkaǵa qarsy is-qımyl prızmasy arqyly memleket pen adal bıznestiń múddelerin qorǵaýǵa baǵyttalǵan.