Qarjylyq monıtorıng agenttigi Aqtóbe oblysynyń turǵynyna izdeý jarııalady
Ol jumystardy naqty oryndamaı, qyzmet kórsetpeı jáne taýar jóneltpeı, jalǵan shot-faktýralar jazyp bergeni úshin kúdikke ilingen.
«Omarov Rýslan Ýlanuly, 28.07.1986 j.t., Aqtóbe oblysy Alǵa qalasynyń týmasy. 2011 jyldan 2013 jylǵa deıin Omarov R.Ý. «Sunkar Logistics» JShS dırektory retinde áreket etip, kontragentterge 4 mlrd teńgeden astam somaǵa jalǵan býhgalterlik qujattar jazyp bergen.
Memlekettik kirister organdarynyń qorytyndysy boıynsha, tólenbegen salyq túrindegi memleketke keltirilgen zalaldyń jalpy somasy 1,5 mlrd teńgeden asady. Eger siz izdestirilip jatqan tulǵanyń ornalasqan jeri týraly qandaı da bir aqparat bilseńiz, myna telefon nómirlerine habarlasýyńyzdy suraımyz:
+7-701-770-08-65 - izdeý boıynsha,
+7-7292-40-36-59 - kezekshi bólim.
Syıaqy men anonımdilikke kepil beriledi», - delingen habarlamada.