Qarjylyq monıtorıng agenttigi Telegram-da jańa botty iske qosty

<p>Qarjylyq monıtorıng agenttigi Telegram messendjerinde &laquo;AFM Insider&raquo; resmı botyn iske qosty, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Agenttiktiń baspasóz qyzmetinen málim etkendeı, bul – ekonomıkalyq quqyq buzýshylyqty anyqtaý maqsatynda qolǵa alynǵan qadam.

«Qazaqstandyqtar bul qural arqyly ekonomıkalyq quqyq buzýshylyqtar týraly batyrmany bir ret basý arqyly habarlaı alady. Habarlama qysqa merzimde qaralady. Aqparattyń qupııalyǵyna kepildik beriledi. Botqa joldanǵan habarlama tek aqparattyq sıpatqa ıe jáne qylmystyq nemese ákimshilik quqyq buzýshylyq týraly is qozǵaýǵa negiz bola almaıdy», -dep habarlady agenttiktiń baspasóz qyzmeti.

Qarjylyq monıtorıng agenttigi – Qazaqstan Respýblıkasynyń Prezıdentine tikeleı baǵynatyn jáne esep beretin memlekettik organ.

Bul agenttikke aýqymdy mindet júktelgen. Naqty aıtqanda, qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl, sondaı-aq, Qazaqstan Respýblıkasynyń zańnamasynda osy organnyń quzyryna jatqyzylǵan ekonomıkalyq jáne qarjylyq quqyq buzýshylyqtardyń aldyn alý, olardy anyqtaý, jolyn kesý, ashý jáne tergep-tekserý kiredi.

Eske sala ketelik, buǵan deıin agenttik tóraǵasy Janat Elımanov Prezıdentke 217 mlrd teńgeniń aktıvteri qaıtarylǵany týraly esep bergeni habarlanǵan edi.

Tóraǵanyń málimetinshe, jyl basynan beri memleketke jalpy somasy 217 mıllıard teńge bolatyn aktıvter qaıtarylǵan. Sondaı-aq kóleńkeli ekonomıkanyń deńgeıi 18,7 paıyzǵa deıin tómendegen.

Esirtkiniń zańsyz aınalymynan túsetin kiristerdi jylystatý úshin paıdalanylǵan 924 banktik shot buǵattalǵan. Krıptoaktıvterdi paıdalana otyryp jasalatyn ekonomıkalyq qylmystarǵa qarsy is-qımyl jónindegi arnaıy bólimshe qurylǵan. Zańsyz 9 krıpto almastyrǵyshtyń qyzmeti joıylǵan. Ondaǵy qarjy aınalymy 17 mıllıard teńgeden asqan.