Qarjy uıymdarynyń aktıvteri 65 trln teńgege ulǵaıdy

<p>ALMATY. KAZINFORM &ndash; Qarjy uıymdarynyń aktıvteri 5 jylda 65 trln teńgege ulǵaıdy. Bul týraly Qazaqstan qarjygerleriniń XII kongresinde Qarjy naryǵyn retteý jáne damytý agenttiginiń tóraǵasy Mádına Ábilqasymova málim etti.</p>

«Qarjy uıymdarynyń jıyntyq aktıvteri 5 jylda 65 trln teńgege deıin ulǵaıyp, ІJÓ-niń 52%-yna jetti. Ósý qarjy naryǵynyń barlyq sektorynda baıqalady. Bank sektory turaqty jáne jaqsy kapıtaldandyrylǵan. Bankterdiń menshikti kapıtalynyń jetkiliktiligi belgilengen normatıvterden 3 ese artyq»,- dedi ol.

Saqtandyrý uıymdarynyń aktıvteri de 2 eseden asa 2,8 trln teńgege deıin jetti.

«Aktsııalar naryǵyn kapıtaldandyrý 5 jylda 83%-ǵa 32 trln teńgege deıin ósti (osy kezeńde KASE-ge 150 jańa emıtent shyqty). Barlyq kredıtteý sýbektileri retteý aıasyna engizilgeli mıkroqarjy sektorynyń aktıvteri 2019 jyldan bastap 8 esege jýyq ósip, 2,8 trln teńgege jetti, - dedi Mádına Ábilqasymova.

Osyǵan deıin alaıaqtar bankterden 18 mlrd teńgege nesıe rásimdegeni týraly jazǵan edik.