Qarjy pıramıdasyn qurǵan — elordada «Sterling Invest» JShS basshylyǵy tergelýde

<p>QMA Astana qalasy boıynsha departamenti qarjy pıramıdasyn qurý jáne basqarý boıynsha &laquo;Sterling Invest&raquo; JShS basshylyǵyna qatysty sotqa deıingi tergeý júrgizip jatyr, dep habarlaıdy QazAqparat.&nbsp;</p>

Atalǵan JShS qurylys materıaldaryn satyp alý úshin salymshylardyń qarajatyn tartyp, 20%-dan 40%-ǵa deıingi mólsherinde syıaqy berýdi ýáde etip, zańsyz áreketterdi júzege asyrǵany anyqtaldy.

Investıtsııanyń eń tómengi somasy – 200 000 teńge. Tólemder kelisim sharttaryna sáıkes 15 kúnnen 35 kúnge deıingi merzimde júzege asyrylady.

Sonymen qatar, «MegaSnabGroup.KZ» jáne «Azııa Stal Kazahstan» JShS enshiles kásiporyndary anyqtalyp, olar da syıaqylardyń úlken paıyzyn ýáde ete otyryp, qurylys materıaldaryn satý jáne ınvestorlardyń qarajatyn tartý boıynsha oıdan shyǵarylǵan qyzmetpen aınalysady.

Sonymen qatar, kompanııalar árbir ákelingen ınvestor úshin ınvestıtsııa somasynyń 5%-dan 10%-ǵa deıingi mólsherinde qosymsha tabys alýǵa ýáde beredi.

Sot bul qarjylyq pıramıdany uıymdastyrýshyǵa «úı qamaýy» túrindegi bultartpaý sharasy retinde sanktsııa berdi.

Qazirgi ýaqytta 80-nen astam adam jábirlenýshi retinde tanylyp, olarǵa jalpy somasy 250 mln teńgeden astam materıaldyq shyǵyn keltirilgen.

QR QPK 201-babynyń talaptaryna sáıkes sotqa deıingi tergep-tekserýdiń ózge de derekteri jarııa etilýge jatpaıdy.