Qarjy pıramıdasy ShQO turǵyndarynyń 350 mln teńgesin qaltasyna basty

<p>Agenttiktiń Shyǵys Qazaqstan oblysy boıynsha departamenti Chia Tai - Tianqing Pharmaceutical qarjy pıramıdasyn qurý jáne basqarý kúdigi boıynsha sotqa deıingi tergeý júrgizip jatyr, dep habarlaıdy <a href="https://kaz.inform.kz/" target="_blank" rel="noopener">QazAqparat</a>.&nbsp;</p>

Atalǵan fırmany uıymdastyrýshylar 2022 jyldyń qazan aıynan 2023 jyldyń sáýirine deıin Telegram messendjeri arqyly jalǵan farmatsevtıka kompanııasy atynan salymshylardan zańsyz aqsha alǵan.

Qarjy pıramıdasyna Shyǵys Qazaqstan oblysy boıynsha 234 azamat 350 mln teńgeden astam qarajat salǵan.

Іs boıynsha qarjy pıramıdasy qurylymdyq bólimshesiniń basshysy sottyń sanktsııasymen qamaldy.

Tergeý jalǵasyp jatyr. 

«Qarjy pıramıdalaryn qurý qylmystyq jaýapkershilikke ákep soǵatynyn jáne múlkin tárkileýmen 10 jylǵa deıin bas bostandyǵynan aıyrý túrindegi jazany qarastyratynyn eskertemiz. Eger Siz jáne Sizdiń jaqyndaryńyz qarjy pıramıdasynyń áreketinen zardap shekse, turǵylyqty jerińiz boıynsha ETTD habarlasýyńyzdy suraımyz» deıdi agenttikten.