Qarjy pıramıdasy: 7 iri sheteldik joba boıynsha sotqa deıingi tergeý bastaldy

<p>ASTANA. KAZINFORM &ndash; Qarjylyq monıtorıng agenttiginiń tóraǵasy Dmıtrıı Malahovtyń tapsyrmasy boıynsha &laquo;Qarjy pıramıdalaryna qarsy is-qımyl&raquo; arnaıy jobasy iske qosyldy, dep habarlaıdy agenttiktiń <a href="https://t.me/afm_rk" target="_blank" rel="noopener">baspasóz</a> qyzmeti.</p>

Baspasóz qyzmetiniń habarlaýynsha, mundaǵy basty maqsat - alaıaqtyq jobalardyń ómirlik tsıklyn jáne olarǵa tartylǵan salymshylar sanyn qysqartý.

IT quraldaryn paıdalana otyryp, qarjy pıramıdalarynyń qurylǵan sátinen bastap, erte anyqtaý úshin áleýmettik jelilerge taldaý júrgizilýde.

Bıylǵy jyly buǵattaýǵa 600 myń adam aýdıtorııany qamtyǵan, myńǵa jýyq qarjy pıramıdasynyń belgileri bar saıttar men shottardyń siltemesi jiberildi.

Tek sońǵy alty aıda ınternet jelisinde 36 qarjy pıramıdasy anyqtaldy.

Olar boıynsha «WhatsApp», «Telegram» jáne «Instagram» áleýmettik jelilerinde 200 chat anyqtalǵan. Búgingi tańda 182 chat buǵattaldy.

Osylaısha, 126 myń azamattyń odan ári qarjylyq shyǵyndarynyń aldy alyndy.

73 myń aýdıtorııasy bar 7 iri sheteldik joba boıynsha sotqa deıingi tergeý bastaldy (Eolus, Nısa, GPIBS, Darı polýchaı, Charoıt, Carhomi, Beefre).

Bir pıramıda boıynsha sot úkimi bar (Eolus-úkim 23.02.2024 j.shyǵaryldy).

Sonymen qatar, olardy tolyǵymen joıý úshin Agenttik qarjy pıramıdalaryn uıymdastyrdy degen kúdiktilerdiń ornalasqan jeri jaıly aqparatty TMD boıynsha áriptesterin habarlady.

Áriptes eldermen ózara is-qımyl TMD elderiniń salyqtyq (qarjylyq) tergep-tekserý organdarynyń Úılestirý keńesi janynan QMA bastamasy boıynsha Arnaıy jumys tobyn qurýdyń arqasynda múmkin boldy.

«Aıta ketý kerek, qarjy pıramıdalary áli de qarjylyq ınvestıtsııalar salasyndaǵy qylmystyq kórinistiń eń qaýipti modelderiniń biri bolyp tabylady. Olardyń taralýy azamattardyń qarjylyq jaǵdaıyna nuqsan keltiredi. Azamattardyń qaryzǵa kirip, kóterme nesıe alady, qylmys pen sýıtsıdke barady. Munyń bári qoǵamdaǵy áleýmettik shıeleniske ákeledi, al qylmystyq elementter odan paıda tabýdy jalǵastyrýda», - delingen baspasóz-baıanynda.

Osyǵan baılanysty, QMA qarjy pıramıdasyn qurǵany úshin qylmystyq jaýapkershilik kózdelgenin jáne múlki tárkilenip, 10 jylǵa deıingi merzimge bas bostandyǵynan aıyrý jazasy kózdelgenin eskertedi.