Qarjy pıramıdalary jańartylatyn energııa kózderin de alaıaqtyq maqsatyna paıdalana bastaǵan

<p>ASTANA. KAZINFORM &ndash; Jyl basynan beri elordada 10 qarjy pıramıdasynyń joly kesilgen. Bul týraly Astana qalasynyń aǵa prokýrory Aslan Mádı aıtty.</p>

Prokýror qarjy pıramıdasynyń alaıaqtary qarapaıym halyqty qaqpanǵa qalaı túsiretinin «Eolus Kazakhstan» qarjy pıramıdasynyń basshysynyń ústinen qozǵalǵan isti mysalǵa keltire otyryp túsindirdi.

Ol jańartylatyn energııa kózine ınvestıtsııa salý jeleýimen elden aqsha jınaǵany úshin búkil múlki tárkilenip, ózi 6 jylǵa bas bostandyǵynan aıyrylǵan bolatyn.

Taǵy bir pıramıda taýardy arzanǵa alyp, qymbatqa satýǵa bolatynyn aıtyp, eldi aldaǵan.

Elordada osyǵan uqsas tórt qylmystyq is tirkelgen.

Eske salsaq, Qazaqstanda qarjy pıramıdasyn qurǵandar búkil múlkinen aıyrylyp, 12 jylǵa deıin bas bostandyǵynan aıyrylýy múmkin.