Qarjy naryǵyn retteý jáne damytý agenttigi qarjy uıymdaryna talapty kúsheıtpek
Qazaqstan Respýblıkasynyń Qarjy naryǵyn retteý jáne damytý agenttigi «Qazaqstan Respýblıkasynyń keıbir normatıvtik quqyqtyq aktilerine qarjy uıymdarynyń qyzmetin retteý máseleleri boıynsha ózgerister engizý týraly» Agenttik Basqarmasynyń 2024 jylǵy 31 jeltoqsandaǵy № 96 qaýlysyn qabyldady.
Esirtki quraldarynyń jáne tsıfrlyq aktıvterdiń zańsyz aınalymy salasynda bank qyzmetterin paıdalaný táýekelderin barynsha azaıtý maqsatynda Qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl maqsatynda ishki baqylaý qaǵıdalaryna qoıylatyn talaptarǵa jáne Ekinshi deńgeıdegi bankterge, Qazaqstan Respýblıkasynyń beırezıdent-bankteriniń fılıaldaryna arnalǵan táýekelderdi basqarý jáne ishki baqylaý júıesin qalyptastyrý qaǵıdalaryna mynadaı túzetýler engizildi:
- qarjylyq monıtorıngti júzege asyratyn memlekettik organ bekitken, qylmystyq kiristerdi zańdastyrý (jylystatý) jáne terrorızmdi qarjylandyrý tıpologııalaryna, shemalary men tásilderine sáıkes keletin sıpattamalary bar operatsııalardy anyqtaýdy avtomattandyrý boıynsha bankterge:
1) esirtkini zańsyz óndirý, aınalymy jáne (nemese) tranzıtimen;
2) tizbesin ýákiletti organ qalyptastyratyn «Astana» halyqaralyq qarjy ortalyǵynyń qatysýshylary bolyp tabylmaıtyn tsıfrlyq aktıvter bırjalarynyń paıdasyna tólemder men aqsha aýdarymdaryn júzege asyrýmen;
3) elektrondyq kazıno men ınternet-kazınonyń paıdasyna tólemder jáne (nemese) aqsha aýdarymdaryn júzege asyrýmen baılanysty qoıylatyn talaptar belgilendi.
- Qazaqstan Respýblıkasynyń beırezıdentteri úshin tólem kartochkalarynyń qoldanys merzimi boıynsha – 12 aı shekteýler belgilendi.
- bir klıentke tólem kartalarynyń sany qysqartyldy.
Qaýlynyń tolyq mátinimen Agenttiktiń ınternet-resýrsynan jáne «Ádilet» aqparattyq-quqyqtyq júıesi saıtynan tanysýǵa bolady.
Eske sala keteıik, buǵan deıin qarjy uıymdarynyń aktıvteri 65 trln teńgege ulǵaıǵanyn jazǵan edik.