Qarjy mınıstrligi elimizdegi bankterge salyq júktemesin kótermek

<p>ASTANA. KAZINFORM &mdash; QR Qarjy vıtse-mınıstri Erjan Birjanov jaqyn arada qaı salalarda salyq júktemesi artatynyn túsindirdi.</p>

Búgin Senattyń jalpy otyrysynan keıin tilshiler vıtse-mınıstrden «salyq salasyndaǵy ózgertýler halyqqa aýyrtpalyq týdyrmaı ma?» degen suraq qoıdy.

Óz kezeginde E. Birjanov Qarjy mınıstrligi iri salyq tóleýshilerge nazar aýdaryp otyrǵanyn aıtty.

«Jer qoınaýyn paıdalanýshylarmen, munaı salasyndaǵy salyq tóleýshilermen jumys isteýdi, sondaı-aq ekinshi deńgeıli bankterdi qarastyryp jatyrmyz. Sebebi bankter jaǵynan salyq túcimi tómen. 21 bank tek 600 mlrd teńge tólep otyr. Qarjy mınıstrligi bank salasyna salyqty ulǵaıtýdy usyndy», - dedi vıtse-mınıstr.

Bul turǵyda ol osy usynystar vedomstvoda pysyqtalyp jatqanyn jáne Parlament qaraýyna engizý josparlanyp otyrǵanyn aıtty. Tabysy joǵary nysandar salyqty da kóbirek tóleýi tıis.

«Munymen qosa, jeke kásipkerlerdiń jaǵdaıyn jaqsartý kerek. Sonymen qatar, jańa Salyq kodeksi aıasynda ınvestıtsııa salatyn jáne jańa kásiporyn ashatyndarǵa jaǵdaı jasaý mańyzdy», - dedi Erjan Birjanov.