Qarjy mınıstri: Syrttan alatyn qaryz kólemin áli de kóbeıtetin múmkindigimiz bar

<p>ASTANA. KAZINFORM &ndash; Qarjy mınıstri Mádı Takıev Májilis otyrysynan keıin jýrnalısterdiń suraǵyna bergen jaýabynda syrtqy qaryzdyń kólemin azaıtý úshin qandaı sharalar qabyldanyp jatqanyn aıtty.</p>

«Qazaqstannyń syrtqy qaryzynyń kólemi eldiń jalpy ishki óniminiń 23%-yna teń. Zań boıynsha belgilengen shek – 30%. Halyqaralyq sarapshylardyń baǵalaýynsha, bizde bul kórsetkishten ulǵaıtý múmkindigi bar. Biz belgilegen shek eń aqyrǵy shek degen sóz emes. Qazirgi qaryz shegi barynsha qolaıly», - dedi Málı Takıev.

Mınıstr syrtqy qaryz kólemin azaıtý bıýdjet tapshylyǵyn joıýmen qatar júretin sharýa ekenin eske saldy.

«Qazirgi tańda bıýdjet tapshylyǵy JІÓ-niń 2,6%-yna teń nemese 3,5 trln teńge. Biz osy tapshylyqty jyl saıyn azaıtýdy josparlap otyrmyz. 2027 jyldyń bıýdjetin qarasańyz, onda tapshylyq JІÓ-niń 1,9%-yna teń bolady dep belgilengen. Bıýdjet tapshylyǵyn birtindep túsirý syrtqy qaryz kólemin azaıtýǵa ákeledi», - dedi mınıstr.

Osyǵan deıin Qarjy mınıstri Mádı Takıevtiń jeke adamdardyń shetelden kólik ákelý máselesi qaralyp jatqany týraly aıtqanyn jazǵan edik.