Qarjy qysqartylmaıdy: Elimizde onkologııalyq aýrýlardy emdeýge qosymsha 25 mlrd teńge bólinetin boldy

<p>ASTANA. KAZINFORM &ndash; Qazaqstanda onkologııalyq aýrýlardy emdeýge bólinetin qarjy qysqartylmaıtyn boldy. Kerisinshe, bul salaǵa qosymsha 25 mlrd teńge bólinedi. Bul týraly májilis depýtaty Ashat Aımaǵambetov óziniń <a href="https://t.me/aimagambetov/1084" target="_blank" rel="noopener">Telegram kanalynda</a> habarlady.</p>

«Bıýdjet jobasynda onkologııany emdeýge bólinetin qarjyny 20 mıllıard teńgege, al onkogematologııaǵa 5 mıllıard teńgege qysqartý týraly usynys boldy. Alaıda, biz bul qysqartýǵa qatań túrde qarsylyq bildirip, qosymsha qarajat bólý týraly túzetý engizdik. Densaýlyq saqtaý mınıstrligimen birlesken jemisti jumysymyzdyń arqasynda onkologııalyq naýqastardy emdeýdi qarjylandyrý úshin qosymsha 25 mıllıard teńge bólý týraly túzetýimiz qoldaý tapty. Bul – óte qýanyshty jáne mańyzdy jańalyq», - dep jazdy májilis depýtaty. 

Ashat Aımaǵambetov sońǵy jyldary onkologııaǵa qarsy kúreste Prezıdenttiń qoldaýynyń arqasynda aıtarlyqtaı jetistikterge qol jetkizilgenin atap ótti. 

«Keshendi jospar bekitildi, jáne mamandandyrylǵan ortalyqtyń qurylysy aıaqtalýǵa jaqyn. Sonymen qatar, Ulttyq onkologııa ortalyǵyndaǵy protondyq terapııa ortalyǵynyń qurylysyn aıaqtaýǵa 4,2 mıllıard teńge bólý týraly usynysymyz da qabyldandy. Qazirgi ýaqytta Ortalyq Azııada protondyq terapııa ortalyǵy joq, sondyqtan bizdiń patsıentter qymbat em alý úshin shetelge barýǵa májbúr. Qazaqstanda bul ortalyq jyl saıyn 300-den astam naýqasqa ómir súrýge múmkindik berip, shetelde emdelýge qajetti úlken shyǵyndardan bosatady», - dep málimdedi depýtat.

Buǵan deıin onkologııalyq naýqastar tıisti dári-dármekpen qamtylmaı qalýy múmkin ekenin jazǵan bolatynbyz. 

Osydan soń jedel arada Densaýlyq saqtaý mınıstrligi onkologııalyq jáne onkogematologııalyq dertke shaldyqqan patsıentter qajetti preparattarmen ýaqytyly qamtamasyz etiletinin habarlaǵan edi.